USA: Umwuzure umaze guhitana abarenga 60

USA: Umwuzure umaze guhitana abarenga 60

Imvura idasanzwe yateje imyuzure yaturutse ku nkubi y’umuyaga yiswe ‘Helene’ yibasiye Amajyepfo ashyira Uburasirazuba bwa Leta Zunze Ubumwe z’Amerika (USA), ikaba imaze guhitana abagera kuri 63.

Helene yibasiye uduce tw’Amajyaruguru n’Amajyepfo ya Carolina, Tennessee, Alabama, Florida, Georgia, no mu tundi duce hamaze kubarurwa abagera kuri 63 yahitanye ndetse yangije n’ibikorwa remezo nkuko ikinyamakuru BBC kibitangaza.

Imihanda irenga 400 ikomeje gufungwa muri Leta ya Carolina aho abantu 10 baguye ndetse Guverineri w’iyi Leta, Roy Cooper, yavuze ko ibikoresho byo gufasha abaturage biri koherezwa mu ndege.

Ibikorwa by’ubutabazi birimo gukorwa hifashishijwe ubwato, kajugujugu n’imodoka nini kugira ngo bafashe abaguye mu mazi barimo abakozi b’Ibitaro bya Tennessee n’abarwayi bagera kuri 50.

Helene imaze kwangiza ibikorwa remezo birimo imihanda, amavuriro n’ibindi  bitandukanye, ndetse abasaga miliyoni 2.6 nta muriro w’amashanyarazi bafite.

Ku wa Gatandatu,  Perezida wa Leta Zunze Ubumwe z’Amerika Joe Biden, yatangaje ko igihugu cyahuye n’isanganya  yizeza ko bari gukora ibishoboka byose ngo batabare abari mu kaga.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27