Perezida wa Sena, Dr Kalinda yaganiriye n’Abasenateri ba Namibia

Perezida wa Sena, Dr Kalinda yaganiriye n’Abasenateri ba Namibia

Mu gitondo cyo kuri uyu wa Mbere, Perezida wa Sena Dr Kalinda François Xavier, yagiranye ibiganiro n’abagize Komisiyo ishinzwe Ibikorwaremezo, Imyubakire n’Ubwikorezi mu Nteko Ishinga Amategeko ya Namibia, ziri mu ruzinduko rw’akazi mu Rwanda. 

Perezida wa Sena, Dr François Xavier Kalinda, yavuze ko ibikorwa byose bishingiye kuri Politiki ingamba n’amategeko yashyizweho.

Yagize ati: “Baje mu rugendo shuri ni Abasenateri bagize Komite ishinzwe ubwikorezi, ibikorwa remezo n’imiturire, baje mu rugendo shuri ariko cyane cyane ku kibazo cy’imiturire bakaba bifuza kwigira ku Rwanda bakamenya uko rubigenza kugira ngo  rushobora gutuza abaturage b’amikoro make cyane cyane abo mu mijyi.”

Yongeye ko abo Basenateri ba Namibia bashima ibyakozwe n’u Rwanda bakabona ko ari igihugu bakwiye kwigiraho.

Ati: “Itegeko rirahari na politiki y’imiturire na gahunda z’imiturire bazagira umwanya wo kubisobanurirwa n’inzego zitandukanye.”

Abo Basenateri mu bihugu byombi kandi banaganiriye ku guteza imbere umubano w’Inteko Zishinga Amategeko ku mpande zombi.

Mu ntangiriro z’uyu mwaka wa 2024, u Rwanda na Namibia byashyize umukono ku masezerano y’ubufatanye mu byerekeye ubukungu ubucuruzi no guhanahana ubumenyi mu ngeri zitandukanye.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27